साताको प्रारम्भमा प्रतियोगी परीक्षामा सफलता मिल्नेछ। सवारी साधन चलाउँदा साधन रहनुहोला। साताको मध्यमा साझेदारी व्यापारमा नयाँ चुनौतीको सामना गर्नुपर्ला। नयाँ नोकरीमा योग्यताको मूल्याङ्कन हुनेछ। साताको मध्यमा आध्यात्म तर्फ रुचि बढ्ने। आफ्नो कार्यप्रति ईमान्दारिता राख्नुहोस्। द्वेष र ईर्ष्या राख्नेहरू हार खानेछन्।

भाद्र १५, २०८२ आइतवार

मिथुन राशि हुनेहरूको लागि समय उत्तम रहेको छ। तृतीय स्थानमा सूर्यको गोचरले धैर्य र पराक्रममा वृद्धि हुनेछ। आँटेको कार्यमा सफलता मिल्नेछ। उच्च शिक्षालाई लिएर नयाँ अवसरहरू फेला पर्नेछन्। मंगलको चतुर्थ स्थानको प्रभावले जग्गा जमिनबाट विशेष लाभ प्राप्त होला। नोकरी वा पेशामा वरिष्ठ व्यक्तिहरूको साथ र सहयोग मिल्नेछ। शुक्रको दोस्रो भावमा गोचरले आर्थिक पक्षमा सबलता प्रदान गर्नेछन्। टाडिएका आफन्तहरू नजिक हुनेछन्। लग्नस्त गुरुको प्रभावले दाम्पत्य जीवन सुमधुर रहनेछ। साझेदारी व्यापारमा राम्रो फड्को हात पार्न सक्नुहुनेछ। दशम स्थानको शनिले सरकारी नोकरीको लागि तैयारी गरिरहेको छात्रहरूको लागि विशेष सफलता ल्याउनेछ। सदैव भगवान गणेशलाई प्रार्थना गरेर दिनको प्रारम्भ गरौं।

भाद्र १, २०८२ आइतवार

मिथुन राशि हुनेहरूको लागि यो वर्ष राम्रो रहनेछ। अध्ययन अध्यापनको कार्यमा विशेष सफलताका योग छन्। बृहस्पति, राहु, शनि र केतु प्रतिकूल भएकाले अव्यय कला तथा पाप शक्तिमा प्रवृत्त भइनेछ। सरकारी नोकरी आदिमा सफलता मिल्नेछ। धर्मस्त राहुले दुर्व्यसनमा फसाउन सक्ला सावधान रहनुहोला। कार्यक्षेत्रमा विरोधीहरू सक्रिय रहनेछन्। वैशाख : स्वास्थ्यमा समस्या जेठ : अज्ञात भय असार : आत्मविश्वासमा कमी साउन : श्रीप्राप्ति भदौ : रोग वा भय असोज : शत्रुनास कार्तिक : कार्यक्षेत्रमा संघर्ष मङ्सिर : यात्रा पुस : रोग माघ : धर्म प्राप्ति फागुन : कार्यसद्धि चैत : अप्रत्यासित धनलाभ कार्यक्षेत्र व्यापार व्यवसायको दृष्टिले यो वर्ष राम्रो रहेको छ। पशुपालन वा कृषि क्षेत्रबाट राम्रो लाभआर्जन गर्न सकिनेछ। आर्थिक पक्ष सामान्य रहनेछ साथै यो वर्ष कमाएको जोगाउन नसक्नुहोला। प्रेम सम्बन्ध सम्बन्धको दृष्टिले यो वर्ष हजुरको लागि सामान्य रहेको छ। आफन्तहरूसँग वैरभाव बढ्नेछ। व्यवहार कुशलतामा संयम राख्ने प्रयास गर्नुहोला। दाम्पत्य जीवन मधुर रहनेछ। सन्तानसँग राम्रो तालमेल बन्नेछ। स्वास्थ्य मिथुन राशि हुनेहरू कुनै दीर्घ रोगबाट छुटकारा पाउन सक्नुहुन्छ। स्वास्थ्य सबल रहेको छ। नसा च्यापिने समस्या वा कुनै रगत सम्बन्धी समस्या रहेको छ भने सावधान रहनुपर्ने अवस्था रहेको देखिन्छ। शिक्षा यदि तपाईं कुनै सरकारी क्षेत्रमा परीक्षाको लागि प्रयासरत हुनुहुन्छ भने सफलताका योग रहेका छन्। आइटी विद्यार्थीहरूको लागि र विशेष गरी इन्जिनियरिङ क्षेत्रमा हुनुहुन्छ भने लाभप्रद स्थिति निर्माण हुनेछ। यस वर्षभरि नै शिक्षाको क्षेत्रमा राम्रो स्थिति रहेको देखिन्छ। शुभ रंग हरियो, पहेलो र केशरी शुभ अंक ५,६ र ९ शुभ बार सोमबार, बुधबार, र विहीबार शुभ महिना वैशाख, असोज, मंशिर र चैत उपाय बृहस्पति, शनि, राहु र केतुगत शान्तिको साथमा देवि उपासना साथै महामृत्युञ्ज जप आदि गराएर शुभफल प्राप्त गर्न सक्नुहुनेछ।

जेठ १, २०८२ बिहिवार