साताको प्रारम्भमा कार्यक्षेत्रमा परिवर्तन ल्याउन सकिनेछ। सुरुवाती दिनमा कामको चाप बढ्न सक्छ। साताको मध्यमा दाम्पत्य जीवन सुमधुर रहनेछ। साझेदारी व्यापारबाट लाभआर्जन गर्न सकिनेछ। साताको अन्त्यमा विदेशतिरबाट शुभ सूचना मिल्नेछ। आध्यात्मिक ज्ञानलाई निखार्ने समय रहेको छ। सदैव भगवान विष्णुलाई तुलसी दल अर्पण गरेर दिनको प्रारम्भ गरौं।

चैत्र २९, २०८२ आइतवार

कन्या राशि हुनेहरूको लागि समय सामान्य रहेको छ। अष्टम भावमा सूर्यको गोचरले गर्दा आकस्मिक जोखिम पूर्ण वा नयाँ लगानी लगाउन बाट जोगिनुहोस्। पुरानो ऋण तिर्ने अवस्था आउन सक्छ। अनुसन्धानको विषयमा सफलता मिल्नेछ। नियमित पूजा पाठ र सकारात्मक सोचले नकारात्मक प्रभाव कम गर्न सहयोग पुर्याउनेछ। ७ गतेदेखी शुक्रको नवमभावमा गोचरले गर्दा परिस्थिति अनुकूल बन्नेछ। भाग्यको सहयोग मिल्नेछ र आर्थिक स्थितिमा सुधार आउनेछ। कलात्मक र रचनात्मक क्षेत्रमा विशेष सफलता हात लाग्नेछ। पारिवारिक र वैवाहिक सम्बन्धमा वादविवादले आक्रोशको भावना उत्पन्न हुनेछ। सप्तम स्थानमा शनि मॅगल र बुधको गोचरले गर्दा साझेदारी व्यापारमा साझेदारसँग असमझदारी बढ्नेछ। विद्यार्थीहरूलाई पढाइमा अस्थिरता र निर्णयहरूमा भ्रमको स्थिति उत्पन्न होला। प्रेम सम्बन्धमा सुधारका सकारात्मक संकेत देखिनेछन्। छिमेकी र आफन्तहरूसँग कुनै कुरालाई लिएर असमझदारी बढ्नेछ। नयाँ कार्य प्रारम्भ गर्नुभन्दा पुरानो कामलाई नै निरन्तरता दिनुहोस। पारिवारिक सम्बन्धलाई सबल बनाउन धैर्यता र संयमता अपनाउनुहोस्। काममा ढिला सुस्ती गर्नबाट जोगिनुहोस्। स्वास्थ्यको दृष्टिकोणले मानसिक तनाव र मौसमी बिमारीबाट जोगिनुहोस्।

बैशाख १, २०८३ मंगलवार

कन्या राशि हुनेहरूको लागि यो वर्ष विशेष लाभदायी रहनेछ। बृहस्पति र राहुको अनुकूल प्रभावले शत्रु नाश हुनेछन्। गुरुको दशम स्थानमा गोचर हजुरको लागि मानसम्मान बढाउनेवाला रहनेछ। जीवनको मूल्यलाई लिएर केही मान्यता र धारणामा परिवर्तन हुन सक्छ। राजनीतिक क्षेत्रमा तपाईको मानसम्मान बढ्नेछ। वैशाख : कष्ट र परिश्रम जेठ : कान्तिक्षय असार :कार्यसीद्धि साउन : विजय लाभ भदौ : खर्च वृद्धि असोज : शारीरिक पीडा कार्तिक : नोक्सानी मङ्सिर : धन प्राप्ति पुस : मानसम्मान प्राप्ति माघ : आर्थिक संकट फागुन : शत्रुनाश चैत : लामो यात्रा कार्यक्षेत्र व्यापार व्यवसायमा राम्रो सफलता मिल्नेछ। हार्डवेयर वा कपडा आदिको व्यापार हजुरको लागि लाभदायी रहनेछ। खाद्यान्नको कारोबारमा मन्दी आउला भने तरल पदार्थको व्यापार पनि लाभदायी हुनेछ । प्रेमसम्बन्ध सम्बन्धको दृष्टिले यो वर्ष सामान्य रहनेछ। दाम्पत्य जीवनमा विश्वासमा कमी आउनेछ। टाढिएका इष्टमित्रहरू नजिक हुनेछन्। पारिवारिक सम्बन्धमा अरूको कुरा सुनेर निर्णय नलिनुहोला। प्रेमसम्बन्धमा शंकाको बीज उत्पन्न हुने सम्भावना छ सावधान रहनुहोला। स्वास्थ्य स्वास्थ्यको दृष्टिले समय सामान्य रहनेछ। वायुविकार वा स्वास्थ्य सम्बन्धी समस्या बढ्नेछ। रोग प्रतिरोधात्मक क्षमतामा कमी आउनेछ। आँखाबाट टाउको दुख्ने समस्याले सताउन सक्ला। शिक्षा यो वर्ष अध्ययनको क्षेत्रमा सफलता मिल्नेछ। इन्जिनियरिङ वा मिडिया र आइटी क्षेत्रको अध्ययनमा विशेष सफलता मिल्ला। शुभ रंग हरियो, सेतो र सुन्तला शुभ अंक ३, ५ र ८ शुभ बार बुधबार, शुकबार र शनिबार शुभ महिना असार, साउन, मंगसिर र फागुन उपाय ग्रह शान्ति, गणेशजीलाई दुवो अर्पण, देवी भगवतीको आराधना गर्नुहोस्। वृक्षारोपण जस्तो कार्यक्रमहरूमा सहभागी हुनुहोला भाग्यमा वृद्धि हुनेछ।

जेठ १, २०८२ बिहिवार