२०८३ कार्तिक २७ गते शुक्रवार
२०८३ कार्तिक २७ गते शुक्रवार
काठमाडौं । तिहारपछिको पहिलोे कारोबारको दिन शुक्रबार शेयर बजार सामान्य घटेर बन्द भएको छ । आज नेप्से परिसूचक ६ दशमलव ४४ अंकले घटेर २,६४८ को विन्दुमा कायम भएको छ ।
आज ११० कम्पनीको शेयर मूल्य बढेको छ भने १६० कम्पनीको शेयर मूल्य घटेको छ । आज ३३५ कम्पनीको ८७ करोड ४४ लाख २६७ कित्ता शेयर किनबेच हुँदा ३ अर्ब ५ करोड माथिको शेयर कारोबार भएको छ ।
धेरैजसो समूहगत सूचक घटेको छ । बैंकिङ ०.२३, फाइनान्स ०.४७, लगानी ०.२२, जीवन बीमा ०.६७, उत्पादन तथा प्रशोधन ०.७९, माइक्रोफाइनान्स ०.४३, तथा अन्य ०.९४ प्रतिशत घटेको छ । निर्जीवन बीमा ०.३३, होटल तथा पर्यटन ०.२४, जलविद्युत् ०.२७ तथा विकास बैंक ०.०४ प्रतिशत बढेको छ ।
स्वेत गंगा हाइड्रोपावरको मूल्य सबैभन्दा धेरै ७.५६ प्रतिशत बढेको छ । सामलिङ पावरको ५.८७, एसियन हाइड्रोपावरको ५.२६, बेनी हाइड्रोपावरको ३.९३, सोपान फर्मास्युटिकल्सको ३.४५ प्रतिशत मूल्य बढेको छ ।
आज सबैभन्दा धेरै घोराही सिमेन्टको शेयर कारोबार भएको छ । आज यस कम्पनीको ४० करोड ७ लाख रुपैयाँको शेयर कारोबार भएको छ । सानिमा माई हाइड्रोको १६ करोड ७३ लाख रुपैयाँको शेयर कारोबार भएको छ । श्वेत गंगा हाइड्रोको १६ करोड ७२ लाख रुपैयाँको शेयर कारोबार भएको छ ।
© 2026 All right reserved to khabarcnter.com | Site By : Sobij
