२०८३ आश्विन १९ गते सोमवार
२०८३ आश्विन १९ गते सोमवार
.gif)
काठमाडौं । उद्योगी एवं नेपाली कांग्रेसका नेता विनोद चौधरीले पार्टीको १५औँ महाधिवेशनमा उपसभापति पदका लागि उम्मेदवारी घोषणा गरेका छन् ।
सामाजिक सञ्जालमार्फत सन्देश जारी गर्दै चौधरीले महाधिवेशन प्रतिनिधिहरूलाई शुभकामना दिँदै आफ्नो उम्मेदवारी औपचारिक रूपमा घोषणा गरेका हुन् ।
चौधरीले अहिले देशले युवा नेतृत्व खोजिरहेको भन्दै कांग्रेसले नयाँ पुस्तालाई नेतृत्वमा स्थापित गर्नुपर्ने बताएका छन् । आर्थिक समुन्नतिको स्पष्ट दृष्टिकोण भएका नेतृत्वलाई अगाडि बढाएर मुलुकको आर्थिक रूपान्तरणमा नयाँ अध्याय सुरु गर्नुपर्ने उनको भनाइ छ ।
उनले राजनीतिक परिवर्तनका विभिन्न चरण पूरा भए पनि आर्थिक विकास, रोजगारी सिर्जना र समृद्धिको गति अपेक्षाअनुसार अघि बढ्न नसकेको उल्लेख गरेका छन् । त्यसैले अब आर्थिक रूपान्तरणलाई प्राथमिकतामा राखेर काम गर्नुपर्ने उनको जोड छ ।
© 2026 All right reserved to khabarcnter.com | Site By : Sobij
