२०८३ आश्विन २२ गते बिहिवार
२०८३ आश्विन २२ गते बिहिवार
.gif)
काठमाडौँ । यस वर्षको प्रतीक्षित चलचित्र ‘छ माया छपक्कै २’को दोस्रो गीत ‘मायामा एक्सपयारी डेट हुँदैन’ सार्वजनिक भएको छ । सविन सुवेदी र सहिमा श्रेष्ठको स्वर रहेको गीतमा राजेन्द्र थापामा शब्द र दीपक शर्माको संगीत छ । रोमान्टिक शैलीको गीतमा चलचित्रका तीन मुख्य कलाकार दिपकराज गिरी, केकी अधिकारी र सनिशा भट्टराईको अभिनय छ ।
गीतको भिडियोमा श्रीमान् श्रीमतीको भूमिकामा रहेका दीपक र केकीको प्रेमिल दृश्यको बीचमा सनिशाको प्रवेशले थप रोचकता थपेको छ। किरण थापाले कोरियोग्राफी रहेको गीतमा त्रिकोणात्मक प्रेमको सङ्केत गर्दछ। तर सप्राइज दिन माहिर दिपकको टिमले कस्तो कथा बोलेको छ त्यो भने असोज ३१ गते फूलपातीपछि थाह हुनेछ ।
आमा सरस्वती मुभिज, रोहित अधिकारी फिल्म्स र आइएमीको संयुक्त प्रस्तुति रहेको चलचित्रलाई दिपेन्द्र लामाले निर्देशन गरेका हुन् । निर्देशक लामा र दिपकराज गिरीको कथा रहेको चलचित्रको स्क्रिन्प्ले र डाइलग दिपकराज गिरिले तयार पारेका हुन् ।
दिपाश्री निरौला सल्लाहकारको रूपमा रहेको चलचित्रमा दीपक, केकी र सनिशाको साथमा कर्मा, रिहान गिरि, मेक्सम गौडेल, रमा थपलिया, प्रकाश घिमिरे, निर्मल शर्मा लगायतका कलाकारको अभिनय रहेको छ। चलचित्रका कार्यकारी निर्मातामा निर्मल शर्मा र सुरज बम ठकुरी रहेका छन्।
© 2026 All right reserved to khabarcnter.com | Site By : Sobij
