२०८२ भाद्र २४ गते मंगलवार
२०८२ भाद्र २४ गते मंगलवार
काठमाडौं । कोरोना संकटका कारण समस्यामा परिरहेको भारतको सहायताका लागि अमेरिका अघि सरेको छ । अमेरिकाका राष्ट्रपति जो बाइडनले भारतलाई आवश्यक चिकित्सकीय जीवनरक्षक आपूर्ति तथा उपकरण लगायत सबै किसिमको सहयोग दिने आश्वासन दिएका छन् ।
तर केही समयअघिसम्म सहायता नगर्ने भनिरहेको अमेरिकाको मन कसरी पग्लियो र उनका विभिन्न निकायहरू सहायताका लागि किन सक्रियता देखाउँदैछन् ?
भारतलाई चीन र रुसले सहायता गर्ने भएपछि आफ्नो साझेदार अर्को खेमामा जाला भनी आत्तिएको अमेरिकाले लचिलोपन देखाएको बताइँदैछ ।
खोप उत्पादनमा आवश्यक कच्चा पदार्थको आपूर्तिमा प्रतिबन्ध नहटाउने निर्णयपछि बाइडन प्रशासनमाथि आफ्नै देशका नेताहरूले दबाब दिएका थिए । अमेरिकाका कतिपय सांसदहरूले भारतलाई सहयोग गर्न प्रशासनलाई आग्रह गरे । दुई देशका शीर्ष अधिकारीबीच कुराकानी भयो ।
बाइडनको सकारात्मक संकेत पाएपछि अमेरिकाका ४० वटा शीर्ष कम्पनीहरूका सीईओ भारतको सहायताका लागि अघि सरेका छन् ।
अमेरिकाको रक्षा मन्त्रालय पेन्टागनले पनि भारतमा आवश्यक चिकित्सा आपूर्तिको डेलिभरी शुरू गर्न युद्धस्तरमा काम थालेको छ । अक्सिजन उपकरण, र्यापिड टेस्टिङ किट र पीपीई किट उपलब्ध गराइने भएको छ ।
पेन्टागनका प्रेस सचिव जोन कर्बीले केही दिनभित्रै आपूर्ति शुरू गर्ने बताए । आवश्यक आपूर्तिका लागि परिवहन र लजिस्टिक सहायता पनि उपलब्ध गराउने उनको कथन छ । कर्बीले भारतसँगको साझेदारीलाई अमेरिकाले निकै महत्त्व दिएको बताए ।
© 2025 All right reserved to khabarcnter.com | Site By : Sobij
