२०८२ कार्तिक १५ गते शनिवार
२०८२ कार्तिक १५ गते शनिवार
श्रीलंकाका राष्ट्रपति गोटाबाया राजपक्षले राजीनामा पत्रमा हस्ताक्षर गरेको त्यहाँको स्थानीय सञ्चारमाध्यम डेली मिररले खबर दिएको छ ।
राष्ट्रपतिको राजीनामापत्र वरिष्ठ सरकारी अधिकारीलाई बुझाइएको छ । उनले सभामुखलाई उक्त पत्र दिनेछन् । सभामुख महिन्दा यापा अबेवर्दनाले भोलि सार्वजनिक घोषणा गरेर गोटाबायाको राष्ट्रपति कार्यकाल अन्त्य भएको जनाउ दिनेछन् ।
गोटाबाया देश छोडेर भागेको अनुमान आइरहेका भए पनि उनी नजिकका स्रोतले डेली मिररलाई बताएअनुसार उनी अझै पनि देशमा छन् र सुरक्षाबलहरूले उनलाई सुरक्षा दिइरहेका छन् ।
शनिवार दंगा हुनुभन्दा ठीक अघि राष्ट्रपतिलाई उनको निवासबाट सुरक्षाकर्मीहरूले सुरक्षित रूपमा निकालेर एउटा डुंगामा राखेर लगेका थिए । उनी कुन ठाउँमा छन् भनी खुलाइएको छैन ।
© 2025 All right reserved to khabarcnter.com | Site By : Sobij
