२०८३ आश्विन २ गते शुक्रवार
२०८३ आश्विन २ गते शुक्रवार
.gif)
तनहुँको आँबुखैरेनी नजिकै एक इभी माइक्रो दुर्घटनामा परेको छ।
जिल्ला प्रहरी कार्यलय तनहुँका अनुसार चितवनको नारायणघाटबाट लमजुङको बेसीशहर तर्फ जाँदै गरेको गण्डकी प्रदेश ००१ ज ०१३५ नम्बरको इभी माइक्रो शनिबार साँझ तनहुँको आँबुखैरेनी स्थित पावर हाउस नजिकै दुर्घटनामा परेको हो।
प्रहरीका अनुसार माइक्रोमा १३ जना यात्रु सवार थिए। ती मध्य केही घाइते भएका छन्। घाइतेहरूको अवस्था सामान्य रहेको र उनीहरूको स्थानीय स्वास्थ्य संस्थामा उपचार भइरहेको प्रहरीले जनाएको छ।
‘प्रारम्भिक जानकारीअनुसार माइक्रोमा सवार केहीलाई चोट लागेको छ,’ प्रहरीले भनेको छ, ‘तर घाइतेहरू कसैको पनि अवस्था गम्भीर छैन।’
दुर्घटनाको थप विवरण र कारणबारे प्रहरीले अनुसन्धान गरिरहेको जनाएको छ।
© 2026 All right reserved to khabarcnter.com | Site By : Sobij
