२०८२ फाल्गुण २४ गते आइतवार
२०८२ फाल्गुण २४ गते आइतवार
काठमाडौं । प्रतिनिधिसभा सदस्य निर्वाचनअन्तर्गत सप्तरी क्षेत्र नम्बर–३ मा राष्ट्रिय स्वतन्त्र पार्टी (रास्वपा)का उमेदवार अमरकान्त चौधरी विजयी भएका छन् । आइतबार (फागुन २४) सार्वजनिक अन्तिम मत परिणाममा ३२ हजार ८७५ मत प्राप्त गर्दै चौधरी सांसद निर्वाचित भएका हुन् ।
उनका निकटतम प्रतिस्पर्धी जनता समाजवादी पार्टी, नेपालका अध्यक्ष उपेन्द्र यादवले १५ हजार ३३९ मत ल्याए । उनीहरुबीचको मतान्तर १७ हजार ६३६ रह्यो ।
तेस्रो स्थानमा रहेका नेपाली कांग्रेसका उमेदवार दिनेशकुमार यादवले आठ हजार ४२८ मत पाए । नेकपा (एमाले)का उमेदवार ताराकान्त चौधरी ६ हजार ७१५ मतसहित चौथो स्थानमा रहेका निर्वाचन आयोगले जनाएको छ ।
© 2026 All right reserved to khabarcnter.com | Site By : Sobij
