२०८२ फाल्गुण ११ गते सोमवार
२०८२ फाल्गुण ११ गते सोमवार
काठमाडौं । डोटीमा जिप दुर्घटना हुँदा ४ जना घाइते भएका छन् । जिल्ला प्रहरी कार्यालय डोटीका अनुसार आइतबार दिउँसो बोगटान फुड्सिल गाउँपालिका-३ धौलाबस्ती भन्ने ठाउँमा जिप दुर्घटनामा परेको हो ।
प्रहरीका अनुसार दुर्घटनामा परी बोगटान फुड्सिल मेल्टाकी ६६ वर्षीया जुनादेवी साउद र १७ वर्षीया सिता साउद गम्भीर घाइते छन् । उनीहरू दुवै जनाको टाउको, खुट्टा र छातीमा चोट लागेको छ ।
जिपका चालक बोगटान फुड्सिल गाउँपालिका-६, पलाडीका २७ वर्षीय तिर्थ बोगटी र वडा नं. ३ मेल्टाका १९ वर्षीय शारदा साउद पनि घाइते भएका छन् । घाइतेहरूलाई उपचारका लागि कैलालीको मायामेट्रो अस्पताल पठाइएको छ ।
बोगटानबाट दिपायलतर्फ जाँदै गरेको जिप अर्को गाडीलाई साइड दिने क्रममा ब्याक हुन गई सडकबाट करिब १५० मिटर तल खसेको थियो ।
© 2026 All right reserved to khabarcnter.com | Site By : Sobij
