२०८२ पौष ७ गते सोमवार
२०८२ पौष ७ गते सोमवार
काठमाडौं । राष्ट्रिय स्वतन्त्र पार्टीका सभापति रवि लामिछाने र काठमाडौं महानगरपालिकाका मेयर बालेन्द्र शाह ‘बालेन’ बीच भेटवार्ता भएको छ। सोमबार कमलपोखरी स्थित रास्वपाका केन्द्रीय सदस्य असिम शाहको घरमा उनीहरू भेटवार्ता भएको हो ।
भेटमा रास्वपा उपसभापति डिपी अर्याल र बालेनका सहयोगी कुमार व्यञ्जनकार पनि सहभागी भएका छन् । भेटवार्तामा चुनावी सहकार्य र एजेन्डा लगायतका विषयमा छलफल भएको छ।
पछिल्लो समय राष्ट्रिय स्वतन्त्र पार्टीले बालेन लगायतको टिमलाई पार्टीमा प्रवेश गराएर बहुमत ल्याउने लक्ष्य सहित अगाडि बढेको देखिन्छ। यसका लागि पार्टीले वैकल्पिक शक्तिहरूसँग निरन्तर संवाद गरिरहेको छ।
‘आजको छलफलमा चुनावी सहकार्य र नयाँ शक्तिहरूबीच कसरी मिलेर अगाडि जाने भन्ने विषयमा छलफल भएको छ।’ चार जनाबीच भएको कुराकानी बारे जानकारी गराउँदै स्रोत भन्छ, ‘करिब २ घण्टा लामो संवाद भएको छ । दुवै पक्षले एकता र सहकार्यको विषयमा सकारात्मक छलफल गरेको हामीलाई सूचना छ।’
शुक्रबार मात्र नखु कारागारबाट राष्ट्रिय स्वतन्त्र पार्टीका सभापति लामिछाने धरौटीमा रिहा भएका छन्।
© 2025 All right reserved to khabarcnter.com | Site By : Sobij
