२०८२ कार्तिक १८ गते मंगलवार
२०८२ कार्तिक १८ गते मंगलवार
काठमाडौं । रोल्वालिङ हिम क्षेत्रको यलुङ रि हिमाल आरोहणमा गएकाहरू हिम पहिरोमा परेकाहरूको हेलिकप्टरबाट उद्धार गरिएको छ ।
‘हिम पहिरोमा परेर घाइते भएका चार जनालाई घटनास्थलबाट उद्धार गरेर आज बिहान उपचारको लागि हेलिकप्टरमार्फत काठमाडौं पठाएका छौँ,’ उनले भने, ‘तीनवटा डेथबडी अहिले पनि घटनास्थलमै छ।’
नेपाली आरोही लाक्पा तामाङ र सुन बहादुर गुरुङलाई उपचारका लागि काठमाडौंको ह्याम्स अस्पतालमा लगिएको छ।
त्यस्तै दुई विदेशीलाई पनि हेलिकप्टरबाट उपचारका लागि काठमाडौंको इरा इन्टरनेशनल अस्पतालमा लगिएको छ। बेपत्ता अन्यको खोजी भइरहेको प्रहरीले जानकारी दिएको छ।
प्रहरी र सेनाको उद्धार टोली हिजै घटनास्थलतिर गएको भए पनि आज बिहानबाट मात्रै उद्धारको काम सुरु भएको उनले बताए।
हिम पहिरो गएको ठाउँमा सातजना नेपाली र सातजना विदेशी गरि जम्मा १४ जना मात्रै गएका खुलेको डीएसपी महतोको भनाई छ।
हिम पहिरोमा परेर घाइते भएका चारजना घाइते अवस्थामै बेसक्याम्प आइपुगेका थिए। उनीहरूले खबर गरेपछि मात्रै आरोहीहरू हिम पहिरोमा परेको खुलेको थियो। मृतक र घाइतेको नाम भने प्रहरीले अझै खुलाएको छैन।
© 2025 All right reserved to khabarcnter.com | Site By : Sobij
