२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौं । बिहार प्रहरीले पाकिस्तानका ३ जना आतङ्ककारी नेपाल हुँदै बिहार प्रवेश गरेको सूचनापछि उच्च सतर्कता जारी गरेको छ। प्रतिबन्धित आतङ्कवादी संगठन जैश-ए-मोहम्मदसँग सम्बन्धित ती ३ जनाको स्केच पनि प्रहरीले सार्वजनिक गरेको हो।
परिचय खुलाइसकेका ती आतङ्ककारीहरूमा हसनैन अली,आदिल हुसैन र मोहम्मद उस्मान रहेका छन् ।
प्रहरीका अनुसार उनीहरू साउन दोस्रो हप्तामा काठमाडौं आइपुगेका थिए र गत हप्ता बिहार प्रवेश गरेका हुन्। सीमावर्ती जिल्लामा सुरक्षा व्यवस्था कडा पारिएको छ । उनीहरूको पासपोर्ट विवरणसमेत स्थानीय प्रशासनलाई पठाइएको भारतीय सञ्चारमाध्यमले जानकारी दिएको छ ।
यस वर्ष नै हुन लागेको बिहार विधानसभा चुनावलाई लक्षित गरेर आतङ्ककारी गतिविधि बढ्ने आशङ्का प्रहरीले गरेको छ भने यसै कारण सीमा क्षेत्रमा चेकिङ बढाइएको र प्रहरीलाई सतर्क रहन निर्देशन दिइएको हो।
© 2025 All right reserved to khabarcnter.com | Site By : Sobij
