२०८२ भाद्र ११ गते बुधवार
२०८२ भाद्र ११ गते बुधवार
काठमाडौं । वल्र्डलिंक कम्युनिकेसन लिमिटेडले अबको ३ वर्षभित्र आईपीओ निष्कासन गर्ने भएको छ।
वल्र्डलिंकले प्रमुख कार्यकारी अधिकृत नियुक्तिका लागि प्रकाशन गरेको विज्ञापनमा अबको ३ वर्षभित्र आइपीओमार्फत सर्वसाधारणबाट पुँजी जुटाउने विषय समावेश गरिएको छ।
नयाँ प्रमुख कार्यकारी अधिकृतको भावी जिम्मेवारीमा अन्य जिम्मेवारीसँगै ३ वर्षको अवधिभित्र आइपीओ निष्कासनको कार्य पूरा गर्नुपर्ने विषय समावेश गरिएको छ।
आइपीओ निष्कासन प्रयोजनका लागि इन्भेस्टमेन्ट बैंकर, कानूनी परामर्शदाता, लेखापरीक्षक र अन्य बाह्य परामर्शदातासँग सम्पर्क बिन्दुका रुपमा काम गर्नुपर्ने दायित्व पनि तोकिएको छ।
२०५२ माघ ७ गते प्राइभेट लिमिटेड कम्पनीका रुपमा स्थापित यो कम्पनी २०७६ वैशाख ११ गते पब्लिक लिमिटेड कम्पनीमा रुपान्तरण भएको थियो।
कम्पनी ऐन, २०६३ को दफा १२ को प्रावधानअनुसार ५ करोड रुपैयाँभन्दा बढी चुक्तापुँजी भएको दूरसञ्चार सेवा प्रदायक कम्पनी अनिवार्य रुपमा पब्लिक लिमिटेड कम्पनीका रुपमा सञ्चालन गरिनुपर्ने भएकाले बाध्यकारी प्रावधानका कारण वल्र्डलिंक पब्लिक लिमिटेड कम्पनीमा रूपान्तरण भएको हो।
वल्र्डलिंकले नेपालमा इन्टरनेट सेवा विस्तार गर्ने उद्देश्यका लागि हालै इन्टरनेसनल फाइनान्स कर्पोरेसन आईएफसी सँग २ करोड ९० लाख अमेरिकी डलर लगानीको सम्झौता गरेको छ।
© 2025 All right reserved to khabarcnter.com | Site By : Sobij
