२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौं । संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमा राष्ट्रियसभामा १६ ओटा संशोधन प्रस्ताव परेका छन् ।
राष्ट्रियसभाको विधि व्यवस्थापन महाशाखाले ४३ सांसदले १६ संशोधन प्रस्ताव दर्ता गरेको जानकारी दिएको छ ।
कुन– कुन सांसदले संशोधन हाले र के के विषयमा संशोधन हाले भन्ने विषय सोमबार मात्रै जानकारीमा आउने महाशाखाले जानकारी दिएको छ भने अहिले दर्ता भएका संशोधनलाई एकीकृत गर्ने काम भइरहेको महाशाखाले जानकारी दिएको छ ।
प्रतिनिधिसभाबाट पारित भएर राष्ट्रियसभामा पुगेको विधेयकमा प्रतिनिधिसभाबाट पारित हुँदा कर्मचारीको कुलिङ अफ पिरियडसम्बन्धी व्यवस्थामा गडबडी भएको भन्दै चर्को विवाद भएको छ ।
विधेयकमा कुलिङ अफ पिरियड व्यवस्थामा भएको गडबडीबारे छानबिन गर्न प्रतिनिधिसभाले कांग्रेस सांसद जीवन परियारको सभापतित्वमा ७ सदस्यीय संसदीय विशेष छानबिन समिति बनाएर समितिले काम सुरु गरिसको छ ।
समितिमा कांग्रेसबाट सुशीला थिङ, नेकपा एमालेबाट ईश्वरी घर्ती र नारायण आचार्य, नेकपा ९माओवादी केन्द्र० बाट माधव सापकोटा, राष्ट्रिय स्वतन्त्र पार्टीबाट गणेश पराजुली तथा राष्ट्रिय प्रजातन्त्र पार्टीबाट रोशन कार्की सदस्य छन् ।
राज्य व्यवस्था तथा सुशासन समितिबाट पारित गरिएको व्यवस्था भन्दा फरक प्रावधान सहितको विधेयक संसदबाट पारित भएपछि चलखेल देखिएको हो ।
© 2025 All right reserved to khabarcnter.com | Site By : Sobij
