२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । नेपाल विद्यार्थी संघ जिल्ला कार्यसमिति काठमाडौंले बालुवाटारमा गरेको विरोध प्रदर्शनमा प्रहरीले हस्तक्षेप गरेको छ ।
विद्यालय भर्नाको बेला दोहोरो भर्ना बन्द, छात्रवृत्तिको पारदर्शी व्यवस्था र न्यायोचित वितरण हुनुपर्ने, प्रतिस्पर्धात्मक शिक्षक नियुक्ति र विद्यार्थी मैत्री विद्यालय शिक्षा ऐन तत्काल जारी हुनु पर्ने र विश्वविद्यालयमा योग्यतामा अधारित नियुक्ति हुनुपर्नेलगायतका मागसहित नेविसंघले बालुवाटारमा आन्दोलन गरेको थियो ।
त्यस क्रममा प्रहरीले हस्तक्षेप गरेर ६ विद्यार्थी पक्राउ परेका छन् । पक्राउ पर्नेमा नेपाल विद्यार्थी संघका काठमाडौं जिल्ला अध्यक्ष अंशुल केसी, काठमाडौं सहसचिव दोर्जे तामाङ, बानेश्वर क्याम्पस अध्यक्ष प्रेम श्रेष्ठ, कीर्तिपुर अध्यक्ष रोहित श्रेष्ठ र रोहन देशार र सतिश यादव पक्राउ परेका नेविसंघ काठमाडौँ अध्यक्ष केसीले जानकारी दिएका छन् ।
विद्यार्थीहरूको पक्षमा र पारदर्शी र गुणस्तर शिक्षा व्यवस्थाको लागि आन्दोलन गर्दा विद्यार्थीहरूलाई प्रहरीले पक्राउ गरेको केसीले जानकारी दिएका छन्।
© 2025 All right reserved to khabarcnter.com | Site By : Sobij
