२०८२ चैत्र २ गते सोमवार
२०८२ चैत्र २ गते सोमवार
काठमाडाैँ । नेकपा एमाले निकट विद्यार्थी सङ्गठन अनेरास्ववियुको चार दिनयता जारी २४ औँ महाधिवेशनमा उम्मेदवारहरूको अन्तिम नामावली सुची प्रकाशन भएको छ । निर्वाचन कमिटीले बुधबार राति उम्मेदवारहरुको अन्तिम नामावली प्रकाशन गरेको हो ।
सार्वजनिक उम्मेदवारको अन्तिम नामावलीअनुसार अध्यक्षका लागि डा.सुजन कडरिया र प्रकाश पौडेलले उम्मेदवारी कायम भएको छ । त्यसैगरी दुई उपाध्यक्षका लागि ८ जनाको उम्मेदवारी रहेको छ ।
महिला उपाध्यक्षमा अन्जना सिवाकोटी, आरती भट्टराई, भवानी बजगाईँ र सुजिता धितालको उम्मेदवारी पर्दा खुलातर्फ गणेशबहादुर शाही, भरतसिंह धामी, राजकुमार ढकाल, र विकास श्रेष्ठले उम्मेदवारी दिएका छन् । महासचिवमा ३ जनाको उम्मेदवारी कायम भएको छ ।
महासचिवमा आरके रोमस, दिपक धामी, सुनिल कँडेलको उम्मेदवारी छ । उपमहासचिवमा ३ जनाको उम्मेदवारी पर्दा चार सचिव पदका लागि ३५ जनाको उम्मेदवारी रहेको छ । निर्वाचन कमिटीले नयाँ नेतृत्वका लागि बिहीबार बिहान ८ बजेबाट मतदान हुने कार्यतालिका सार्वजनिक गरिसकेको छ । सहमतिबाट नेतृत्व चयनको प्रयास असफल बनेपछि मतदानको विकल्प रोजिएको हो ।
© 2026 All right reserved to khabarcnter.com | Site By : Sobij
