२०८२ चैत्र २ गते सोमवार
२०८२ चैत्र २ गते सोमवार
काठमाडौं । लगातार सडक प्रदर्शनमा उत्रिएका शिक्षकहरूसँग अर्को वार्ताको तयारी भइरहेको छ । सोमबार रातिसम्म भएको वार्ता सकारात्मक भनिए पनि कुनै निष्कर्ष ननिस्केकाले मंगलबार पनि वार्ताको तयारी भइरहेको छ ।
शिक्षामन्त्री रघुजी पन्त वार्ताका लागि शिक्षकहरूलाई पर्खेर बसेका छन् । मन्त्रालयमा मन्त्री उनीहरूलाई पर्खेर बसे पनि शिक्षकहरू भने वार्तामा गएका छैनन् । उनीहरू अहिले गोप्य आन्तरिक बैठकमा बसेको स्रोतले जनाएको छ ।
‘हामी गोप्य बैठकमा छौँ । के कसरी जाने भनेर आन्तरिक छलफलका लागि बसिरहेका छौँ,’ शिक्षक महासंघ स्रोतले भन्यो ।
शिक्षक महासंघको नेतृत्वमा देशभरका शिक्षक काठमाडौं आएर विगत २८ दिनदेखि शिक्षा ऐन जारी गर्नुपर्नेलगायतका माग राखी प्रदर्शन गरिरहेका छन् । शिक्षकको आन्दोलनका कारण विद्यार्थी भर्ना अभियानसमेत प्रभावित भएको छ ।
© 2026 All right reserved to khabarcnter.com | Site By : Sobij
