२०८२ चैत्र २ गते सोमवार
२०८२ चैत्र २ गते सोमवार
काठमाडौं । सरकारले नेपाल विद्युत प्राधिकरणको प्रबन्ध निर्देशक पदबाट बर्खास्त गरेपछि कुलमान घिसिङले अदालत जाने तयारी गरेका छन् ।
कानुन व्यवसायीहरुसँगको परामर्शपछि उनी अदालत जाने तयारीमा लागेका हुन् । घिसिङ निकट स्रोतका अनुसार बर्खास्तको पत्र पाउने बित्तिकै अदालत जाने तयारी छ ।
घिसिङ सरकारले जबरजस्ती हटाएको भन्दै सर्वोच्च अदालत जान लागेका हुन् । प्रबन्ध निर्देशकमा थमौती गर्ने गरी अन्तरिम आदेश माग गर्दै अदालतमा रिट दायर गर्ने उनको तयारी छ । घिसिङले कानुन व्यवसायीहरुसँग पत्रकार सम्मेलन गरेर बक्यौता नतिर्नेहरुको विवरण सार्वजनिक गर्ने वा अदालत जाने विषयमा परामर्श गरेका थिए । उनलाई कानुन व्यवसायीहरुले अदालत जान सुझाव दिएका थिए ।
सरकारले हटाउँदा घिसिङले अदालतबाट स्टे अर्डर लिएर आउने भन्दै सरुवा गर्नुपर्ने कतिपय मन्त्रीले मन्त्रिपरिषद् बैठकमा धारणा राखेका थिए । तर, ऊर्जा मन्त्री खड्का र परराष्ट्र मन्त्री आरजु राणा देउवाको अडानबीच मन्त्रिपरिषद्ले उनलाई बर्खास्त गरेको हो ।
२०७८ साउन २५ गते सोमबार बसेको मन्त्रिपरिषद्को बैठकले नेपाल विद्युत प्राधिकरणका प्रबन्ध निर्देशकको दोस्रो पटक जिम्मेवारी कुलमान घिसिङलाई दिएको थियो । घिसिङलाई ४ वर्षका लागि प्राधिकरणको प्रमुखमा सरकारले नियुक्त गरेको थियो । हितेन्द्र देव शाक्यलाई मन्त्रालय सरुवा गरेर घिसिङलाई प्राधिकरणको जिम्मेवारी दिइएको थियो ।
© 2026 All right reserved to khabarcnter.com | Site By : Sobij
