२०८३ मंसिर ३ गते बिहिवार
काठमाडौं । मकवानपुरको भीमफेदी गाउँपालिका–स्थित भैंसेमा बिहीबार बिहान सुमो दुर्घटना हुँदा तीन जनाको मृत्यु भएको छ । दुर्घटनामा सुमो चालकसहित अन्य सात जना घाइते भएका छन् ।
रौतहटको चपुरबाट काठमाडौं जाँदै गरेको सुमो अनियन्त्रित भएर सडकबाट तल खसेको हो । दुर्घटनापछि घाइतेहरूलाई उद्धार गरी उपचारका लागि हेटौंडा ल्याइएको छ ।
घाइते सुमो चालक कालुमान लोप्चनका अनुसार गाडी दुर्घटनामा पर्नुअघि उनलाई अचानक अन्धकार देखिएको थियो । ‘गाडी खस्नुअघि मेरो आँखा झ्याप्प बन्द भएजस्तो भयो, अन्धकार देखेँ । त्यसपछि गाडी सडकबाट तल खस्यो,’ उनले भने ।
दुर्घटनाको कारणबारे थप विवरण आउन बाँकी छ । प्रहरीले घटनाबारे थप अनुसन्धान गरिरहेको छ ।
© 2026 All right reserved to khabarcnter.com | Site By : Sobij