२०८३ मंसिर २ गते बुधवार
काठमाडौं । सुदूरपश्चिम रोयल्सलाई पराजित गर्दै लुम्बिनी लायन्स नेपाल प्रिमियर लिग (एनपीएल) को फाइनलमा प्रवेश गरेको छ।
मंगलबार भएको पहिलो क्वालिफायरमा सुदूरपश्चिमलाई ६ विकेटले हराउँदै लुम्बिनी लगातार दोस्रो पटक फाइनलमा पुगेको हो।
जारी एनपीएलमा सुदूरपश्चिम लुम्बिनीसँग लगातार दोस्रो पटक पराजित भएको छ। यसअघि उद्घाटन खेलमा लुम्बिनीले सुदूरपश्चिमलाई सात विकेटले हराएको थियो।
पराजित सुदूरपश्चिमले फाइनल पुग्न थप एक मौका पाउनेछ। सुदूरपश्चिमले अब दोस्रो क्वालिफायरमा एलिमिनेटर खेलको विजेतासँग खेल्नेछ।
एलिमिनेटर खेलमा काठमाडौं गोर्खाज र चितवन राइनोज भिड्नेछन्। यो खेल भोलि हुनेछ।
सुदूरपश्चिमले दिएको १०६ रनको सामान्य लक्ष्य लुम्बिनीले १६.४ ओभरमा चार विकेटको क्षतिमा भेट्टायो।
तेस्रो विकेटका लागि कप्तान रोहित पौडेल र निरोसन डिकवेल्लाले ३८ रनको साझेदारी गरे। रोहित २८ बलमा १ चौका सहयोगमा २१ रन बनाउँदा थरिन्दु रत्नायकेको बलमा अनिल खरेलको हातबाट क्याच आउट भए।
© 2026 All right reserved to khabarcnter.com | Site By : Sobij