दीपक मनाङे कांग्रेसमा प्रवेश

आश्विन १३, २०८३ मंगलवार

603

काठमाडौं । गण्डकी प्रदेशका पूर्वमन्त्री राजीव गुरुङ ‘दीपक मनाङे’ नेपाली कांग्रेसमा प्रवेश गरेका छन्। उनी मंगलबार कांग्रेसको संस्थापन इतर समूहमा प्रवेश गरेका हुन्।

कांग्रेसको १५औँ महाधिवेशन तयारीका लागि संस्थापन इतर समूहले गठन गरेको समितिका संयोजक डा. शशांक कोइरालाले मनाङेलाई पार्टीमा स्वागत गरेका हुन्। कोइरालाको सचिवालयले मनाङे कांग्रेसमा प्रवेश गरेको जानकारी दिएको छ।

सचिवालयका अनुसार मनाङेलाई संस्थापन इतर समूहले आगामी महाधिवेशनका लागि मनाङ जिल्लाको संयोजकको जिम्मेवारीसमेत दिएको छ। कांग्रेसको १५औँ महाधिवेशनको तयारी भइरहेका बेला विभिन्न जिल्लामा संगठनात्मक गतिविधि तथा प्रतिनिधि छनोट प्रक्रिया अघि बढिरहेको छ।

प्रकाशित मिति :आश्विन १३ २०८३ मंगलवार - १४:२१:५६ बजे

प्रतिक्रिया