फिल्म ‘पाँच पाण्डव’ तिहारको छेको पारेर कार्तिक २० गतेदेखि प्रदर्शनमा

आश्विन ९, २०८३ शुक्रवार

1.2K

काठमाडौं । हरिवंश आचार्यको मुख्य भूमिका रहेको फिल्म ‘पाँच पाण्डव’ तिहारको छेको पारेर कार्तिक २० गतेदेखि प्रदर्शनमा आउने भएको छ । निर्माण टिमले फिल्मको एक पोस्टर फष्टलुक्सको रूपमा सार्वजनिक गर्दै प्रदर्शन मिति जानकारी गराएको हो । फिल्मका निर्देशक वसन्त निरौला हुन् ।

फस्र्टलुकमा पाँच पण्डव अर्थात फिल्मका मुख्य कलाकार हरिवंश आचार्य, आर्यन सिक्देल, जितु नेपाल, महेश त्रिपाठी र सुशील सिटौला देखिएका छन् । पोस्टरले क्यारेक्टर प्रस्तुत गरेको छ । पोस्टरअनुसार हरिवंश युधिस्ठिर बनेका छन् । भीम बनेका जितु नेपाल, अर्जुन बनेका आर्यन, नहकुल बनेका महेश र सहदेव बनेका सुशीललाई पोस्टरमा देख्न सकिन्छ ।

फिल्म पोस्ट प्रोडक्सनको अन्तिम चरणमा छ । फिल्मले पूरै साउन्ड डल्बी एटमसमा हुनेछ । दर्शकले ‘पाँच पाण्डव’ हेर्दा फूल डल्बी एट्मस साउन्डको अनुभव गर्न पाउने निर्देशक निरौलाले बताएका छन् । फिल्मका प्रस्तुतकर्ता नवीन श्रेष्ठ, निर्मातामा काली रानी श्रेष्ठ हुन् । ‘पाँच पाण्डव’मा कथा, पटकथा तथा संवाद सुशील पौडेलको रहेको छ ।

प्रकाशित मिति :आश्विन ९ २०८३ शुक्रवार - १३:११:४१ बजे

प्रतिक्रिया