२०८३ भाद्र ४ गते बिहिवार
२०८३ भाद्र ४ गते बिहिवार
.gif)
काठमाडौं । आर्थिक वर्ष २०८२/८३ को चौथो त्रैमाससम्म निर्जीवन बीमा कम्पनीहरुले १९ अर्ब ६३ करोड रुपैयाँभन्दा बढी खुद बीमाशुल्क आर्जन गरेका छन् ।
कम्पनीहरुले सार्वजनिक गरेको वित्तीय विवरणअनुसार समीक्षा अवधिमा निर्जीवन बीमा कम्पनीहरुले कुल १९ अर्ब ६३ करोड ७६ लाख ५० हजार रुपैयाँ खुद बीमाशुल्क संकलन गरेका हुन् । यो अघिल्लो आर्थिक वर्षको सोही अवधिको तुलनामा ८ दशमलव ७७ प्रतिशतले बढी हो । अघिल्लो वर्ष कम्पनीहरुले १८ अर्ब ५ करोड ४७ लाख रुपैयाँ खुद बीमाशुल्क आर्जन गरेका थिए ।
समीक्षा अवधिमा सबैभन्दा धेरै खुद बीमाशुल्क आर्जन गर्ने कम्पनीमा सगरमाथा लुम्बिनी इन्स्योरेन्स रहेको छ । कम्पनीले २ अर्ब ३४ करोड रुपैयाँ खुद बीमाशुल्क संकलन गरेको छ । अघिल्लो वर्षको तुलनामा कम्पनीको बीमाशुल्क आर्जन १० दशमलव ७२ प्रतिशतले वृद्धि भएको हो ।
त्यस्तै, दोस्रो स्थानमा रहेको हिमालयन एभरेष्ट इन्स्योरेन्सले २ अर्ब २१ करोड रुपैयाँ खुद बीमाशुल्क आर्जन गरेको छ । कम्पनीको बीमाशुल्क संकलन अघिल्लो वर्षको तुलनामा ९ दशमलव ७४ प्रतिशतले बढेको छ ।
तेस्रो स्थानमा रहेको सिद्धार्थ प्रिमियर इन्स्योरेन्सले २ अर्ब १८ करोड रुपैयाँ खुद बीमाशुल्क आर्जन गरेको छ । कम्पनीको बीमाशुल्क संकलन २ दशमलव ९२ प्रतिशतले बढेको हो ।
यस अवधिमा शिखर इन्स्योरेन्सले १ अर्ब ९५ करोड, नेको इन्स्योरेन्सले १ अर्ब ९४ करोड र ओरिएन्टल इन्स्योरेन्सले १ अर्ब ५९ करोड रुपैयाँ खुद बीमाशुल्क संकलन गरेका छन् ।
त्यस्तै, आइजिआई प्रुडेन्सियल इन्स्योरेन्सले १ अर्ब ४५ करोड, युनाइटेड अजोड इन्स्योरेन्सले १ अर्ब ३३ करोड, एनएलजी इन्स्योरेन्सले १ अर्ब १५ करोड र नेपाल इन्स्योरेन्सले १ अर्ब १२ करोड रुपैयाँ खुद बीमाशुल्क आर्जन गरेका छन् ।
सानिमा जिआइसी इन्स्योरेन्सले ८३ करोड ३० लाख रुपैयाँ, प्रभु इन्स्योरेन्सले ६९ करोड ४५ लाख रुपैयाँ खुद बीमाशुल्क संकलन गरेका छन् ।
समीक्षा अवधिमा दुई वटा निर्जीवन बीमा कम्पनीको खुद बीमाशुल्क आर्जन घटेको छ ।
नेशनल इन्स्योरेन्सले ५६ करोड ९९ लाख रुपैयाँ खुद बीमाशुल्क आर्जन गरेको छ । यो अघिल्लो वर्षको तुलनामा १२ प्रतिशतले कम हो ।
त्यस्तै, राष्ट्रिय बीमा कम्पनीले २३ करोड १६ लाख रुपैयाँ खुद बीमाशुल्क आर्जन गरेको छ । कम्पनीको बीमाशुल्क संकलन अघिल्लो वर्षको तुलनामा ६ प्रतिशतले घटेको छ ।
© 2026 All right reserved to khabarcnter.com | Site By : Sobij
