२०८३ श्रावण २९ गते शुक्रवार
२०८३ श्रावण २९ गते शुक्रवार
.gif)
काठमाडौं । काठमाडौं विश्वविद्यालयको उपकुलपतिमा प्रा.डा.विवेक बराल नियुक्त भएका छन् । कुलपतिसमेत रहेका प्रधानमन्त्री बालेन शाहले बराललाई नियुक्त गरेका हुन् ।
शिक्षा तथा खेलकुदमन्त्री सस्मित पोखरेलको अध्यक्षतामा गठित समितिले बरालको नाम सिफारिस गरेको थियो । बराल केयूको मेकानिकल इन्जिनियरिङ विभागका प्राध्यापक छन् । उनी केयूमै पढेर उपकुलपति हुने पहिलो हुन् ।
उनले केयूबाट मेकानिकल इन्जिनियरिङमा स्नातक गरी, जापानको टोकियो विश्वविद्यालयबाट स्नातकोत्तर र न्युजिल्यान्डको अकल्यान्ड विश्वविद्यालयबाट विद्यावारिधि (पीएचडी) गरेका छन् ।
केयूको उपकुलपतिका लागि ३५ जनाको आवेदन परेको थियो । जसमध्ये १० जनाको सूचि सार्वजनिक गरिएको थियो । त्यसमा प्रस्तुतिकरण र अन्तर्वार्ता लिइएको थियो । मेरिटको आधारमा उपकुलपतिको नाम सिफारिस गरिएको समितिको दाबी छ ।
© 2026 All right reserved to khabarcnter.com | Site By : Sobij
