टेलिभिजनमा फर्किए ‘हर्के हल्दार’

श्रावण २२, २०८३ शुक्रवार

911

काठमाडौं । लामो समय ’हर्के हल्दार’को परिचय बनाएका कलाकार विष्णु सापकोटा फेरि टेलिभिजनमा फर्किएका छन् । उनी अहिले ‘कमेडी बाज’ कार्यक्रममार्फत टेलिभिजन कमब्याक गरेका हुन् ।

पछिल्लो समय कुनै पनि कार्यक्रममा नदेखिएका विष्णु अब ‘कमेडी बाज’मा निरन्तर देखिनेछन् । हरेक आइतबार राती ८ बजे इमेज टेलिभिजनमार्फत प्रसारण हुँदै आएको यो कार्यक्रममा उनी पर्फमरको रूपमा देखिँदै छन् अर्थात् उनले हरेक साता कमेडी प्रस्तुति दिनेछन् ।

उनी आफ्नो परिचित पात्र ‘हर्के हल्दार’कै गेटअपमा प्रस्तुति दिनेछन् । आउँदो आइतबार प्रसारण हुन लागेको कमेडी बाजको नयाँ भागबाट उनी देखिँदै छन् ।

कमेडी बाजका निर्माता, निर्देशक तथा सञ्चालक सुन्दर खनालका अनुसार अब निरन्तर हर्के हल्दारलाई देख्न पाइनेछ ।