२०८३ श्रावण १५ गते शुक्रवार
२०८३ श्रावण १५ गते शुक्रवार
.gif)
काठमाडौं । तत्कालीन शाही नेपाली चलचित्र संस्थानद्वारा निर्माण गरिएका १० वटा ऐतिहासिक नेपाली चलचित्रहरूको जाँचपास ९सेन्सर० भएको छ ।
चलचित्र विकास बोर्ड अन्तर्गतको चलचित्र सङ्ग्रहालयमा डिजिटाइज गरी सुरक्षित राखिएका यी चलचित्रले सबै उमेर समूहका दर्शकले हेर्न मिल्ने ‘युनिभर्सल’ प्रमाणपत्र प्राप्त गरेका हुन् ।
जाँचपाससम्बन्धी प्रमाणपत्र समितिका अध्यक्ष उदयबहादुर राणाले चलचित्र विकास बोर्डका अध्यक्ष दिनेश डीसीलाई हस्तान्तरण गरेका छन् । चलचित्रहरू यसअघि नै डिजिटाइज गरिए पनि कानुनी प्रक्रियाअनुसार जाँचपास प्रमाणपत्र नहुँदा सार्वजनिक रूपमा प्रदर्शन गर्न बाधा पुग्दै आएको थियो ।
जाँचपास भएका चलचित्रमा आमा, कुमारी, सिन्दुर, बदलिँदो आकाश, के घर के डेरा ,शान्तिदीप, जीवनरेखा, मनको बाँध, परिवर्तन, हिजो आज भोलि रहेका छन् ।
जाँचपास प्रक्रिया पूरा भएसँगै अब यी ऐतिहासिक चलचित्रहरूलाई चलचित्र महोत्सव, विशेष प्रदर्शनी, शैक्षिक कार्यक्रम तथा अन्य सार्वजनिक समारोहहरूमा सहजै प्रदर्शन गर्न सकिनेछ ।
चलचित्र विकास बोर्डले नेपाली चलचित्रको इतिहाससँग जोडिएका पुराना र दुर्लभ चलचित्रहरूको खोजी, सङ्कलन, डिजिटाइजेसन र संरक्षणलाई प्राथमिकता दिँदै आएको छ ।
© 2026 All right reserved to khabarcnter.com | Site By : Sobij
