२०८२ चैत्र ३० गते सोमवार
२०८२ चैत्र ३० गते सोमवार
काठमाडौं । दिग्गज निर्देशक तुलसी घिमिरे निर्देशित फिल्म ‘पहाड’ प्रिमिएर भएको छ । आइतबार कमलपोखरीस्थित बिग मुभिजमा गरिएको प्रिमिएरमा वरिष्ठ अभिनेता नीर शाह, सरोज खनाल, शिव श्रेष्ठ, रेजिना उप्रेती, जितु नेपाल, दीपाश्री निरौला, कृष्ण मल्ल, शर्मिला मल्ल, रमेश उप्रेती, किरण केसी लगायत फिल्मकर्मी र रङ्ग पत्रकारको बाक्लै उपस्थिति थियो ।
प्रिमिएरमा सहभागी अधिकांशले फिल्म मन परेको प्रतिक्रिया दिएका छन् । नयाँ वर्षको अवसर पारेर वैशाख १ गतेबाट प्रदर्शनमा आउन लागेको फिल्ममा विपिन कार्की, सुनिल थापा, मदनकृष्ण श्रेष्ठ, रेनुनाथ योगी, अरुण क्षेत्री, रवीन्द्रसिंह बानियाँ, उमा गिरीलगायतका कलाकारको अभिनय रहेको छ ।
भाग्यरत्न फिल्म्स प्रालिको ब्यानरमा निर्माण भएको फिल्मबाट निर्देशक घिमिरेकी कान्छी छोरी पञ्चमी घिमिरेले अभिनेत्रीको रूपमा डेब्यु गरेकी छन् ।
रञ्जित सिंह गजमेरको सङ्गीत रहेको फिल्मको उत्तम रसाइली प्रस्तुतकर्ता हुन् । फिल्ममा सुरेन्द्र लामा थिङ, ओजस्वी केसी, रिम्पोछे लामा थिङ र उमा गिरी निर्माता रहेका छन् । फिल्मको नेपाल वितरण वैङ्कटेश इन्टरटेनमेन्ट र डायस्पोरामा सेभेन सिज इन्टरनेशनल फिल्म्सले वितरण गर्दैछ ।
© 2026 All right reserved to khabarcnter.com | Site By : Sobij
