२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । सरकारले मापदण्ड विपरित सञ्चालनमा आएका होटल तथा रेष्टुरेण्टहरुमाथि कारबाही गर्ने भएको छ ।
शुक्रवार काठमाडौंको अनामनगरस्थित होटल तथा रेष्टुरेण्टमा अनुगमनका लागि पुगेका खाद्य प्रविधि तथा गुण नियन्त्रण विभागका खाद्य निरीक्षण अधिकारीहरुले मापदण्ड विपरित चलेका होटल तथा रेष्टुरेण्टहरुले आफूलाई १, २ दिनभित्र सुधार नगरे कडा कारबाही गर्ने चेतावनी दिएका हुन् ।
उनीहरुले अनुगमनको क्रममा मापदण्ड विपरित खाद्य भण्डार गरेको, सरसफाईमा कमी रहेको औँल्याउँदै तत्काल सुधार गरेर २ दिनभित्र विभागमा उपस्थित हुन पनि होटल तथा रेष्टुरेञ्ट सञ्चालकहरुलाई निर्देशन दिएका थिए ।
मापदण्ड विपरित चल्ने कुनैपनि होटल तथा रेष्टुरेण्टहरुलाई कडा कारबाही गर्ने गरी अनुगमनको कामलाई अघि बढाइएको विभागका खाद्य निरीक्षण अधिकारी सरोज पौडेलले बताएका छन् । उनले अनुगमनको क्रममा किचनमा सफाईको कमी देखिएको, खाद्य भण्डारणमा पनि समस्या देखिएको पाइएको उल्लेख गरेका छन् ।
सरकारले दशैँ, तिहार जस्ता चाडपर्वलाई ध्यानमा राखेर हरेक वर्ष अनुगमनको कामलाई तिब्रता दिने गरेको छ ।
© 2025 All right reserved to khabarcnter.com | Site By : Sobij
