२०८२ चैत्र २ गते सोमवार
२०८२ चैत्र २ गते सोमवार
काठमाडौं । साताको तेस्रो कारोबारको दिन मंगलवार शेयर बजार भारी अंकले बढेर बन्द भएको छ ।
आज शेयर बजार नेप्से परिसूचक ८०.९७ अंकले बढेर २,९७३ को विन्दुमा कायम भएको छ । आज २३६ कम्पनीको शेयर भाउ बढेको छ भने १४ कम्पनीको शेयर मूल्य घटेको छ ।
३१९ कम्पनीको ४ करोड ३५ लाख ८१ हजार २२८ कित्ता शेयर किनबेच हुँदा २० अर्ब ८ करोड माथिको शेयर कारोबार भएको छ ।
आज सबैभन्दा धेरै नेपाल पुनर्बीमा कम्पनीको ७१ करोड ८८ लाख रुपैयाँको शेयर कारोबार भएको छ भने शिवम् सिमेन्टको ६८ करोड ८३ लाख रुपैयाँको शेयर कारोबार भएको छ । हिमालयन इन्स्योरेन्सको ५६ करोड माथिको शेयर कारोबार भएको छ ।
आज सबै समुहको सेयर बढेकोमा उत्पादन तथा प्रशोधन, जीवन बीमा र माइक्रोफाइनान्स समुहको सेयर सर्वाधिक ४.५६, ४.४२ र ४.१० प्रतिशतले बढेको छे ।
यस्तै, होटल तथा पर्यटन ३.४९, लगानी समुह ३.३९ र अन्य समुह ३.३३ प्रतिशतले बढेको छे ।
© 2026 All right reserved to khabarcnter.com | Site By : Sobij
