२०८२ भाद्र २ गते सोमवार
२०८२ भाद्र २ गते सोमवार
काठमाडौं । मलेसियामा हुने एसीसी अन्डर–१९ महिला एसिया कपमा नेपाली टोलीले सहभागिता जनाउँदैछ । त्यहाँ जाने टोलीलाई नेपाल क्रिकेट संघ (क्यान) ले बिदाइ गरेको छ ।
नेपाली टोली आज शुक्रबार मलेसिया प्रस्थान गर्दैछ । नेपाल यू–१९ विश्वकप एसिया छनोट च्याम्पियनको रुपमा प्रतियोगितामा सहभागी हुन लागेको हो ।
महेन्द्रप्रसाद रिजालको प्रशिक्षणमा रहेको नेपाली युवा टोलीको कप्तानी पूजा महतोले गर्ने छिन् । टिमको उपकप्तानको जिम्मेवारी सोनी पाख्रिनले पाएकी छन् ।
प्रतियोगिता मंसिर ३० देखि पुस ७ गतेसम्म मलेसियामा हुने छ । एसियाका ६ टोलीको सहभागिता रहने प्रतियोगिताको समूह ‘ए’ मा बंगलादेश, मलेसिया र श्रीलंका छन् । समूह ‘बी’ मा नेपालसहित भारत र पाकिस्तान छन् ।
नेपालले पुस १ गते पाकिस्तान र २ गते भारतको सामना गर्नेछ । दुवै समूहका शीर्ष २ टोली सुपर फोरमा प्रवेश गर्ने छन् । सिङ्गल राउन्ड रोविनका आधारमा खेलिने सुपर फोरका शीर्ष २ टोलीबीच फाइनल हुने छ ।
© 2025 All right reserved to khabarcnter.com | Site By : Sobij
