२०८२ भाद्र २ गते सोमवार
२०८२ भाद्र २ गते सोमवार
काठमाडौं । ललितपुरमा जारी एन्फा महिला लिग फुटबल प्रतियोगितामा कोशी प्रदेशले कर्णाली प्रदेशलाई पराजित गरेको छ ।
सातदोबाटोस्थित एन्फा कम्प्लेक्समा आज भएको खेलमा कोशीले कर्णालीलाई ४–० गोलअन्तरले हराउँदै जित हासिल गरेको हो । यससँगै कोशीले तीन खेलबाट ९ अंक बटुल्दै अंक तालिकाको पहिलो स्थानमा उक्लेको छ ।
पराजित कर्णालीको भने १ अंक छ । यसअघि कोशीले वालिङ नगरपालिकालाई ४–० र वाग्मती युवा क्लबलाई २–१ ले पराजित गरेको थियो । त्यस्तै यसअघि चन्द्रपुरसँग १–१ को बराबरी खेलेको कर्णालीले वालिङ नगरपालिकासँग ४–० को पराजय ब्यहोरेको थियो ।
आज कोशीको जितमा पूर्णीमा राईले २ गोल गरिन् भने समीक्षा मगर र प्रतीक्षा राईले समान १र१ गोल गरे । कोशीकी पूर्णिमाले खेलको ३४औँ मिनेटमा पहिलो गोल गरिन् । त्यसपछि खेलको ६७औँ मिनेटमा समीक्षाले गोल गर्दै कोशीको अग्रता दोब्बर बनाइन् ।
त्यसको पाँच मिनेटपछि पूर्णिमाले व्यक्तिगत दोस्रो र टोलीका लागि तेस्रो गोल गरिन् । खेलको ७५औँ मिनेटमा प्रतीक्षाले अर्को गोल थप्दै कोशीले कर्णालीमाथि ४–० को जित निकाल्यो ।
© 2025 All right reserved to khabarcnter.com | Site By : Sobij
