२०८२ भाद्र २७ गते शुक्रवार
२०८२ भाद्र २७ गते शुक्रवार
हङकङ । हङकङमा मानिसको बसोबास ज्यादै भएको एक बहुतले आवासीय भवनमा आगलागी भएको छ ।
बुधबार कोलूल जिल्लाको व्यस्त क्षेत्रमा रहेको १६ तले भवनमा आगो लाग्दा ५ जनाको मृत्यु भएको छ । यस घटनामा अन्य ३५ जना घाइते भएको त्यहाँको अस्पताल प्राधिकरण र अग्नि सेवा विभागले बताएको हो ।
भवनभित्रका मानिसहरू तौलिया हल्लाउँदै उद्धारका लागि याचना गरिरहेको देखिएका थिए । भवनमा रहेको एउटा जिमबाट आगलागी शुरु भएको बताइएको छ । भवनबाट करिब १५० जनालाई सुरक्षित निकालिएको नगर सरकारले भनेको छ ।
४० जनालाई भने अस्पताल पठाइएको थियो । बिहान ८ः५४ बजेसम्म आगो नियन्त्रण गरेको बताइएको छ । घाइतेमध्ये ६ जनाको अवस्था गम्भीर भएको बताइएको छ ।
© 2025 All right reserved to khabarcnter.com | Site By : Sobij
