२०८२ भाद्र २ गते सोमवार
२०८२ भाद्र २ गते सोमवार
नेपाल क्रिकेट संघ (क्यान) ले केन्द्रिय सम्झौतामा रहेका महिला र पुरुष खेलाडीको तलब बढाएको छ । क्यानको मंगलबार बसेको बोर्ड बैठकले महिला र पुरुष दुबै खेलाडीको तलब बढाएको छ ।
क्यानले पुरुष खेलाडीको सबै ग्रेडमा समान १० हजारका दरले बढाएको छ । यसअघि ए ग्रेडका खेलाडीले ५० हजार, बी ग्रेडका खेलाडीले ४० हजार र सी ग्रेडका पुरुष खेलाडीले ३० हजार पाउँदै आएका थिए । अब बढेको तलब अनुसार पुरुष तर्फ ए ग्रेडका खेलाडीले ६० हजार, बी ग्रेडका खेलाडीले ५० हजार र सी ग्रेडका खेलाडीले ४० हजार रुपैयाँ प्राप्त गर्नेछन् ।
त्यस्तै महिलातर्फ क्यानले सी ग्रेडमा रहने खेलाडीको ५ हजार, ए र बी ग्रेडमा रहने खेलाडीको ६ हजारको दरले बढाएको छ । यसअघि सी ग्रेडका महिला खेलाडीले १० हजार पाउँदै आएका थिए । अव १५ हजार पाउनेछन् । बी ग्रेडका खेलाडील १२ हजारको दरले पाउँदै आएका थिए । अव बी ग्रेडमा रहने महिला खेलाडीले १८ हजार पाउनेछन् ।
ए ग्रेडमा रहने खेलाडीले यसअघि १५ हजार पाउँदै आएका थिए । अव मासिक २१ हजारका दरले पाउनेछन् । क्याननले मैदानका सम्पूर्ण कर्माचारीहरुको तलब ३ हजारका दरले बढाएको छ । मैदान कार्यलय सहयोगीको मासिक ५ हजार र टियु पिच क्विरेटरको तलब मासिक ६ हजारको दरले बढाएको छ ।
२०२२ को केन्द्रिय खेलाडी सम्झौता
पुरुषतर्फ :
ग्रेड ए : सन्दीप लामिछाने, ज्ञानेन्द्र मल्ल, दीपेन्द्रसिंह ऐरी, सोमपाल कामी र करण केसी
ग्रेड बी : कुशल भुर्तेल, आसिफ शेख, शरद भेषावकर, आरिफ शेख, अभिनाश बोहरा, विनोद भण्डारी
ग्रेड सी : कुशल मल्ल, रोहित कुमार पौडेल, कमलसिंह ऐरी, विक्रम सोब, साहब आलम, सुशान भारी र पवन सर्राफ
महिलातर्फ:
ग्रेड ए : रुविना क्षेत्री बेलबासे, सीता रानामगर, इन्दु बर्मा, काजल श्रेष्ठ र करुणा भण्डारी,
ग्रेड बी : सरिता मगर, कविता कुँवर, अप्सरी बेगम, सरस्वती चौधरी, सवनम राई र ज्योति पाण्डे
ग्रेड सी : डली भट्ट, कविता जोशी, संगिता राई, रोमा थापा, अस्मिना कर्माचार्य, ममता चौधरी र विन्दु रावल
© 2025 All right reserved to khabarcnter.com | Site By : Sobij
