२०८२ कार्तिक १४ गते शुक्रवार
२०८२ कार्तिक १४ गते शुक्रवार
श्रीलंकामा संकटकाल हटेको छ । श्रीलंकामा अप्रिल ४ बाट संकटकाल घोषणा गरिएको थियो ।
राष्ट्रपति गोटाभाया राजापक्षेले संकटकाल हटाइएको घोषणा गरेका हुन् । आर्थिक मन्दीका कारण जताततै हिंसा सुरु भइसकेको अवस्थामा राष्ट्रपतिले स्थिति नियन्त्रणका लागि संकटकाल लगाउने निर्णय गरेका थिए ।
सोही संकटकाल हटाउने निर्णय गरिए पनि यसका पछाडि के कारण छन्, त्यो भने अझै खुलेको छैन । श्रीलंकामा मुद्रास्फीति उत्कर्षमा पुगेको छ र जनताको धैर्यको बाँध टुट्दैछ ।
डिजेल लिन लामो लाइन बस्नुपर्ने र मट्टीतेलका लागि घन्टौँ कुर्नुपर्ने अवस्था आएको छ। कागजको अभावका कारण विद्यार्थीको परीक्षा रद्द भएको छ ।
पूरै मन्त्रिपरिषद्ले राजीनामा दिएपछि अवस्था बिग्रिँदै गएको अनुमान गरिएको छ । प्रधानमन्त्रीका छोराले पनि पद छाड्ने निर्णय गरेका छन् । श्रीलंकामा अब सर्वदलीय सरकार गठन हुन सक्ने बताए । विपक्षी दलका नेताहरुको पनि सक्रिय सहभागिता रहनेछ ।
अहिले श्रीलंकामा राजनीतिक उथलपुथल तीव्र भएको छ । किनकि श्रीलंकाको स्थिति नियन्त्रण बाहिर गइरहेको छ । भारी ऋणका कारण श्रीलंकाको अर्थतन्त्रको यस्तो अवस्था भएको विज्ञहरुको भनाइ छ ।
© 2025 All right reserved to khabarcnter.com | Site By : Sobij
