२०८३ कार्तिक २३ गते सोमवार
२०८३ कार्तिक २३ गते सोमवार
.gif)
त्रिशूली । नुवाकोटको विदुर नगरपालिका–९ मा मोटरसाइकल दुर्घटना हुँदा तीन जनाको मृत्यु भएको छ ।
भैरमकोटबाट त्रिशूलीतर्फ आउँदै गरेको बा ९९ प ८२०२ नम्बरको मोटरसाइकल अनियन्त्रित भई सडकबाट करिब १०० मिटर तल खस्दा तीन जनाको मृत्यु भएको हो ।
दुर्घटनामा गम्भीर घाइते भएका तीनै जनालाई उपचारका लागि त्रिशूली अस्पताल पुर्याइएको थियो । तर, चिकित्सकले उनीहरूलाई मृत घोषणा गरेका जिल्ला प्रहरी कार्यालय नुवाकोटका प्रहरी नायब उपरीक्षक इकबाल हवारीले जानकारी दिए ।
मृत्यु हुनेमा मोटरसाइकल चालक धादिङको खनियाबासका ४७ वर्षीय बुद्धिमान तामाङ तथा विदुर नगरपालिका–१३ माथिल्लो खुर्सानेका २७ वर्षीया सुनिता थापामगर र ३१ वर्षीया बिन्दा थापामगर रहेका छन् ।
प्रहरीका अनुसार मोटरसाइकल खड्कथोक भन्ने स्थानमा पुग्दा अनियन्त्रित भएर सडकबाट तल खसेको थियो । उक्त मोटरसाइकलले भाडामा यात्रु बोक्ने गरेको प्रारम्भिक जानकारी प्रहरीले दिएको छ ।
© 2026 All right reserved to khabarcnter.com | Site By : Sobij
