२०८३ कार्तिक १८ गते बुधवार
२०८३ कार्तिक १८ गते बुधवार
.gif)
गोरखा । गोरखाको भिमसेनथापा गाउँपालिका–५, बगुवा नयाँगाउँमा दुई दाजुभाइले बाँझो जमिनलाई सदुपयोग गर्दै व्यावसायिक फूलखेती सुरु गरेका छन्।
नेपाल विद्युत् प्राधिकरणबाट अवकाश प्राप्त कृष्णकुमार श्रेष्ठ र खड्गबहादुर श्रेष्ठको अग्रसरतामा करिब ५ रोपनी क्षेत्रफलको बाँझो जमिन भाडामा लिएर फूलखेती थालिएको हो।
बाँझो जमिनलाई उत्पादनशील बनाउने र स्थानीयस्तरमै रोजगारी सिर्जना गर्ने उद्देश्यले सुरु गरिएको यस खेतीबाट स्थानीयले समेत काम गर्ने अवसर पाउने अपेक्षा गरिएको छ।
उनीहरूले यस वर्ष करिब २ हजार वटा फूलका माला उत्पादन गरी बिक्री गर्ने लक्ष्य राखेका छन्। स्थानीय स्तरमै फूल उत्पादन र बजारीकरणलाई प्रोत्साहन गर्ने यो प्रयासले गाउँमा कृषि उद्यमशीलताको नयाँ सम्भावना देखाएको छ।
© 2026 All right reserved to khabarcnter.com | Site By : Sobij
