२०८३ कार्तिक १८ गते बुधवार
२०८३ कार्तिक १८ गते बुधवार
.gif)
काठमाडौं । नेपालमा निर्मित १२औँ शताब्दीको प्राचीन मञ्जुश्रीको मूर्ति हङकङमा करिब २ अर्ब ३७ करोड रुपैयाँमा बिक्री भएको छ। सुनौलो जलप लगाइएको तामाको मिश्रधातुबाट बनेको उक्त मूर्ति क्रिस्टीज लिलामी गृहमा १३ करोड ७३ लाख ५० हजार हङकङ डलरमा बिक्री भएको हो।
लामो समयसम्म प्रतिस्पर्धात्मक बोली चलेपछि मूर्ति अनुमानित न्यूनतम मूल्यभन्दा दोब्बरभन्दा बढीमा बिक्री भएको जनाइएको छ। यससँगै हिमालय क्षेत्रमा निर्मित सुनौलो जलपयुक्त कांस्य मूर्तिको लिलामीमा नयाँ विश्व कीर्तिमान कायम भएको छ। ९३ सेन्टिमिटर अग्लो उक्त मूर्ति नेपालको ऐतिहासिक नेवार कला परम्परामा निर्माण गरिएको हो। मूर्तिमा ज्ञानका बोधिसत्त्व मञ्जुश्रीलाई चित्रण गरिएको छ।
अन्तर्राष्ट्रिय लिलामीमा नेपाली कलाकृतिले प्राप्त गरेको यो उच्च मूल्यसँगै नेपालको पुरातात्त्विक तथा सांस्कृतिक सम्पदाको संरक्षण र अभिलेखीकरणबारे पुनः चर्चा सुरु भएको छ।
© 2026 All right reserved to khabarcnter.com | Site By : Sobij
