२०८३ आश्विन १९ गते सोमवार
२०८३ आश्विन १९ गते सोमवार
.gif)
काठमाडौं । नेकपाका वरिष्ठ नेता झलनाथ खनालको नेतृत्वमा समाजवादी जागरण अभियान गठन भएको छ ।
सोमबार पत्रकार सम्मेलनमार्फत खनालले अभियान गठन गरिएको जानकारी दिएका हुन् । अभियानको हालै बसेको बैठकले विभिन्न १५ बुँदे प्रस्तावसमेत पारित गरेको छ ।
पारित प्रस्तावमा देशका कम्युनिस्ट तथा वामपन्थी शक्ति विभिन्न समूहमा विभाजित रहेको भन्दै बृहत् वाम एकता आजको आवश्यकता भएको उल्लेख गरिएको छ । राष्ट्रिय तथा जनहितका मुद्दामा सबै वामपन्थी शक्तिलाई एकताबद्ध भएर अघि बढ्न अभियानले आह्वान गरेको छ ।
अभियानले क्रान्तिकारी कम्युनिस्ट शक्तिहरूलाई एकीकृत गर्दै एकीकृत नेकपा निर्माणको दिशामा अघि बढ्न जोड दिएको छ । त्यसका लागि कम्युनिस्ट आन्दोलनका विगतका उपलब्धि, कमजोरी र चुनौतीको समीक्षा गरी वैचारिक तथा राजनीतिक कार्यदिशाका आधारमा संगठनात्मक पुनर्गठन र एकीकरण अघि बढाउन आग्रह गरिएको छ ।
त्यस्तै, अभियानले नेपाली विशेषताको समाजवादबारे खुला वैचारिक बहस गर्न आह्वान गरेको छ । समाजवादी तथा क्रान्तिकारी शक्तिबीच वैचारिक, सैद्धान्तिक, संगठनात्मक, कार्यशैलीगत र आचरणगत विषयमा खुला तथा नीतिनिष्ठ बहस आवश्यक रहेको प्रस्तावमा उल्लेख छ ।
© 2026 All right reserved to khabarcnter.com | Site By : Sobij
