२०८३ आश्विन ७ गते बुधवार
२०८३ आश्विन ७ गते बुधवार
.gif)
काठमाडौं । जापानमा जारी २०औँ एसियाली खेलकुदमा नेपालले पहिलो पदक जितेको छ । कराते खेलाडी तेन्जिङ शेर्पाले पुरुष कुमिते ८४ केजीभन्दा माथिको तौल समूहमा कास्य पदक जितेका हुन् ।
टोयाहाशी जिम्नेसियममा बुधबार भएको सेमिफाइनलमा तेन्जिङ इरानका महमुद नेमातीसँग ५–० ले पराजित भएका थिए । सेमिफाइनलमा रोकिएपछि उनले कास्य पदकका लागि प्रतिस्पर्धा गरेका थिए ।
कास्य पदकको भिडन्तमा तेन्जिङले लाओसका वाथाना जायासनलाई ९–१ को प्रभावशाली स्कोरमा पराजित गरे ।
तेन्जिङको जितसँगै जारी एसियाली खेलकुदमा नेपालको पदक खाता खुलेको छ । यो नेपालका लागि प्रतियोगिताको पहिलो पदक हो ।
© 2026 All right reserved to khabarcnter.com | Site By : Sobij
