२०८३ कार्तिक २१ गते शनिवार
२०८३ कार्तिक २१ गते शनिवार
.gif)
मकवानपुरको हेटौँडा उपमहानगरपालिका-१७, अंगारेश्वरमा पिकअप गाडी र मोटरसाइकल आपसमा ठोकिँदा मोटरसाइकल चालकको मृत्यु भएको छ।
दुर्घटनामा हेटौँडा-१७ हटिया निवासी २७ वर्षीय सुदीप पाण्डेको मृत्यु भएको हो।
हेटौँडाबाट सिन्धुलीतर्फ तरकारी बोकेर जाँदै गरेको बा.प्र.०१–०२८ च १७४७ नम्बरको पिकअप बोलेरो र विपरीत दिशाबाट आउँदै गरेको प्रदेश ३–०३–००१ प ६४५९ नम्बरको मोटरसाइकल शुक्रबार राति ८ः४५ बजेतिर धरान-चतारा सडकखण्डमा आपसमा ठोकिएका हुन्।
पिकअपसँग ठोक्किएर मोटरसाइकल चालक पाण्डे गम्भीर घाइते भएका थिए। उनको टाउकोसहित शरीरका विभिन्न भागमा चोट लागेको थियो।
दुर्घटनालगत्तै हटियास्थित प्रहरी टोली ट्राफिक प्रहरीसहित घटनास्थल पुगेर घाइतेको उद्धार गरेको थियो। तर उपचारका क्रममा हेटौँडास्थित सीएमसी चुरेहिल अस्पतालमा राति ९ः३५ बजे चिकित्सकले उनलाई मृत घोषणा गरेको मकवानपुर प्रहरीले प्रवक्ता प्रहरी नायब उपरीक्षक (डीएसपी) माधव काफ्लेले जानकारी दिए।उनको शव अस्पतालमै राखिएको डीएसपी काफ्लेले बताए।
दुर्घटनामा परेका पिकअप गाडी र त्यसका चालक सिन्धुलीको कमलामाई नगरपालिका-३ निवासी ४८ वर्षीय रमेश तामाङलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
© 2026 All right reserved to khabarcnter.com | Site By : Sobij
