२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । प्रहरीले काठमाडौंको तीनकुनेस्थित गैरीगाउँबाट ७०५ सिलिन्डर एलपी ग्यास बरामद गरेको छ ।
उपत्यका अपराध अनुसन्धान कार्यालयको टोलीले दुईवटा ठूला ट्रकमा लोड गरिएको अवस्थामा ग्यास बरामद गरेको हो । ग्यास कालोबजारी गरेको आरोपमा प्रहरीले बसुन्धारास्थित जय श्री बालाजी ग्यास स्टोरका सञ्चालक ३८ वर्षीय दिनेश लुइँटेललाई पक्राउ गरेको छ ।
प्रहरीका अनुसार मोरङको ग्रामथान गाउँपालिका–२ का लुइँटेलले ग्यासको एउटा सिलिन्डर २ हजार ७५० रुपैयाँमा बिक्री गर्ने गरेको पाइएको छ । बरामद भएका सबै सिलिन्डर नेपाल ग्यास कम्पनीका हुन् ।
उपत्यका अपराध अनुसन्धान कार्यालयका एसपी रामेश्वर कार्कीका अनुसार लुइँटेलले नयाँ सिलिन्डरसमेत ५ हजार रुपैयाँसम्ममा बिक्री गर्ने गरेको खुलेको छ ।
घटनाबारे प्रहरीले थप अनुसन्धान गरिरहेको जनाएको छ ।
© 2026 All right reserved to khabarcnter.com | Site By : Sobij
