२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नेपाली कांग्रेसका नेता डा. शेखर कोइरालाले पार्टीभित्रको विभाजन र गुटबन्दी अन्त्य गर्दै एकताबद्ध हुन आह्वान गरेका छन्।
बिहीबार विज्ञप्ति जारी गर्दै कोइरालाले कांग्रेस आफ्नो विरासत र आदर्शबाट विचलित हुँदै गएको भन्दै चिन्ता व्यक्त गरेका हुन्। उनले बीपी कोइरालाको राजनीतिक तथा नैतिक दर्शनलाई आत्मसात् गर्दै पार्टीलाई एकढिक्का बनाउनुपर्ने बताएका छन्।
रसुवा, नुवाकोट र धादिङलगायत क्षेत्रमा प्राकृतिक विपद्बाट नागरिक पीडित भइरहेका बेला कांग्रेस आन्तरिक विवादमा अल्झिन नहुने उनको भनाइ छ।
आसन्न महाधिवेशनलाई लिएर बढेको विभाजन रोक्न मध्यमार्गी र विवेकपूर्ण समझदारी खोज्न आग्रह गर्दै उनले भनेका छन्, ‘यो विभाजनलाई रोकौं, एउटा मध्यमार्गी र विवेकपूर्ण समझदारीको बाटो खोजौं।’
कोइरालाले आफू निरन्तर संवाद र एकताको प्रयासमा रहने बताउँदै देशभरका कांग्रेस कार्यकर्तालाई पार्टी एकताको अभियानमा जुट्न आह्वान गरेका छन्।
© 2026 All right reserved to khabarcnter.com | Site By : Sobij
