२०८३ भाद्र ४ गते बिहिवार
२०८३ भाद्र ४ गते बिहिवार
.gif)
काठमाडौं । मादक पदार्थ सेवन गरी गाडी चलाएको स्वीकार गरेपछि अस्ट्रेलियाका पूर्वब्याटर डेभिड वार्नरलाई एक हजार ५०० अस्ट्रेलियन डलर जरिबाना लगाइएको छ ।
अदालतले उनको कारमा ‘इन्टरलक डिभाइस’ जडान गर्न पनि आदेश दिएको छ । यो उपकरण जडान गरेपछि ड्राइभरको शरीरमा मदिराको मात्रा पत्ता लागेमा गाडी स्टार्ट हुँदैन । गत अप्रिलमा सिड्नीको पूर्वी क्षेत्रमा प्रहरीले वार्नरलाई रोकेर मदिरा परीक्षण गरेको थियो ।
प्रारम्भिक परीक्षणमा नतिजा पोजिटिभ आएपछि वार्नरलाई मारौब्रा प्रहरी चौकी लगेर पुनः परीक्षण गरिएको थियो । दोस्रो परीक्षणमा उनको रगतमा मदिराको मात्रा ०.१०४ रहेको पाइएको थियो, जुन कानुनी सीमाभन्दा दोब्बरभन्दा बढी हो ।
यो घटनाले विश्वभरका सञ्चारमाध्यममा चर्चा पाएपछि वार्नरले सार्वजनिक रूपमा ठूलो क्षति व्यहोर्नु परेको भन्दै उनका वकिलले थप सजायबाट छुट दिनुपर्ने तर्क गरेका थिए ।
अब वार्नरले ‘इन्टर लक डिभाइस’ जडान गरेपछि मात्रै पुनः कार चलाउन पाउनेछन् ।
© 2026 All right reserved to khabarcnter.com | Site By : Sobij
