२०८२ भाद्र १० गते मंगलवार
२०८२ भाद्र १० गते मंगलवार
काठमाडौं । जलवायु वित्त परिचालनलाई थप प्रभावकारी बनाउने उद्देश्यले जलवायु वित्त परिचालन कार्यविधि २०८२ को मस्यौदा तयार गरीएको छ । जलवायु वित्त परिचालनमा कुल लागतको २० प्रतिशत मात्रै प्रशासनिक र प्राविधिक क्षेत्रमा खर्च गर्ने व्यवस्था गर्न लागिएको छ।
अर्थ मन्त्रालयले जलवायु वित्त परिचालन कार्यविधि, २०८२ को मस्यौदा तयार पार्दै खर्चमा कडाइ गर्न लागेको हो।
मन्त्रालयले तयार पारेको मस्यौदामा सरकारी, निजी र गैरसरकारी संस्थाहरुले जलवायु वित्त परिचालन गर्दा परियोजनामा कुल लागतको २० प्रतिशतभन्दा धेरै रकम प्रशासनिक वा प्राविधिक कार्यमा प्रयोग गर्न नपाउने व्यवस्था गरेको छ।
जलवायुसम्बन्धी अनुदान, ऋण र सम्मिश्रित किसिममा वित्त परिचालन गर्ने अधिकार सरकार, निजी क्षेत्र र गैरसरकारी संस्थाहरुमा दिइएको छ।
खर्चमा कडाइ गर्दै सरकारले वित्त परिचालनमा सरकारका तीन तह, निजी र गैरसरकारी संस्थाहरुलाई सक्रिय बनाउन लागेको छ।
वित्त परिचालनलाई नियन्त्रित बनाउन सरकारले साझा जलवायु कोषको अवधारणा अवलम्बन गरेर सोहीमार्फत वित्त परिचालन गर्ने उल्लेख गरेको छ।
© 2025 All right reserved to khabarcnter.com | Site By : Sobij
