२०८२ भाद्र २३ गते सोमवार
२०८२ भाद्र २३ गते सोमवार
पूर्वी अफ्रिकी राष्ट्र केन्यामा बस दुर्घटना हुँदा १५ जनाको मृत्यु भएको छ भने १४ जना घाइते भएका छन् ।
बिहिबार केन्याको समुद्री तटमा रहेको सहर मालिन्डामा दुई यात्रुवाहक बस आपसमा ठोक्किएका थिए । किलिफी प्रान्तका प्रहरी कमिश्नर कुत्स्वा ओलाकाले दुवै सवारी चालकको घटनास्थलमै मृत्यु भएको बताएका छन् ।
उनले एक यात्रुवाहक बस समुद्री तटीय सहर मोम्बासाबाट गारिसा जाँदै थियो भने अर्को बस मोम्बासा आउँदै गरेको अवस्थामा मलिन्डी-मोम्बासा राजमार्गमा दुर्घटना भएको बताए ।
दुर्घटनाको साक्षीहरूका अनुसार गारिसातर्फ जाँदै गरेको बसले अर्को गाडीलाई उछिन्ने क्रममा सो घटना भएको बताए । केन्याको राष्ट्रिय यातायात सुरक्षा प्राधिकरणका अनुसार लगभग ३ हजार केन्याली सडक दुर्घटनामा मारिन्छन् ।
© 2025 All right reserved to khabarcnter.com | Site By : Sobij
