२०८२ भाद्र १८ गते बुधवार
२०८२ भाद्र १८ गते बुधवार
काठमाडौं । गायक प्रकाश दुतराजको गीत रेशम रिलिज भएको तीन सातामै करोड क्लबमा प्रवेश गरेको छ।
प्रकाश र मेलिना राईको स्वर रहेको गीतलाई युट्युबमा २१ दिनमै १ करोड बढी पटक हेरिएको हो।
दसैंको अवसर पारेर सार्वजनिक गीतले सुरूका दिनदेखि टिकटक र फेसबुक रिल्समा समेत चर्चा पाएको थियो। गीतको शब्द र संगीत पनि प्रकाशकै हो।
भेडा गोठालाको प्रेमकथालाई चित्रण गरिएको र लेकमा छायांकन गरिएको भिडिओलाई समेत दर्शकले रूचाएका छन्।
भिडिओमा प्रकाश दुतराजसँगै विमला लिम्बुको अभिनय छ। निर्देशन र कोरियोग्राफी मौसम हिमालीको हो।
ग्रामीण परिवेशमा रहेर सिर्जनाहरू ल्याउँदै आएका प्रकाशका यसअघि ‘रिमै, चोली मैलै भो, घर कता हो बैनीको, जाम भो माइली, जुन माया’ इत्यादी गीतहरू पनि रूचाइएका छन्।
© 2025 All right reserved to khabarcnter.com | Site By : Sobij
