२०८२ भाद्र १ गते आइतवार
२०८२ भाद्र १ गते आइतवार
काठमाडौं । थ्री नेसन्स कप मैत्रीपूर्ण अन्तर्राष्ट्रिय फुटबल प्रतियोगिता आजबाट सुरु हुँदैछ ।
दशरथ रंगशालामा आजबाट सुरु हुने प्रतियोगिताको उद्घाटन युवा तथा खेलकुद मन्त्री दावा लामा तामाङले गर्नुहुने अखिल नेपाल फुटबल संघ (एन्फा) ले जनाएको छ । साँझ साढे ५ बजे हुने आजको उद्घाटन खेलमा बंगलादेश र कीर्गिस्तान २३ वर्ष मुनिको टोलीबीच प्रतिस्पर्धा हुनेछ ।
अर्को खेलमा नेपाल र कीर्गिस्तानबीच चैत १२ गते प्रतिस्पर्धा हुनेछ । नेपाली टोलीले अर्को खेल चैत १४ गते बंगलादेशसँग खेल्ने छ । राउन्ड रोविन लिगपछि शीर्ष २ टोलीबीच चैत १६ गते फाइनल हुनेछ । प्रतियोगितामा सहभागि हुने दर्शकका लागि कोरोना महामारीको जोखिमलाई ध्यानमा राखी जनस्वास्थ्यका मापदण्ड तय गरिएको छ ।
एन्फाले प्रतियोगिता हेर्न आउनेहरुलाई अनिवार्य मास्कको प्रयोग गर्न, भौतिक दुरी कायम गर्न, स्यानिटाइजरको प्रयोग गर्न, ज्वरो मापन गरेर मात्रै रंगशालामा प्रवेश गर्ने नियम लागू गरेको छ । पछिल्लो समय कोरोना सङ्क्रमणको जोखिम बढेसँगै रंगशालामा सावधानी अपनाइएको हो ।
© 2025 All right reserved to khabarcnter.com | Site By : Sobij
