२०८२ भाद्र २७ गते शुक्रवार
२०८२ भाद्र २७ गते शुक्रवार
काठमाडौं । इजरायल–हमास युद्धको बीचमा एक इजरायली युवतीले हमासका लडाकुले आफूसँग विवाह गर्न चाहेको खुलासा गरेकी छन् ।
टाइम्स अफ इजरायलसँगकाे कुराकानीमा १८ वर्षीया नोगा वेइसले यस्तो बताएकी हुन् । उनलाई गत वर्ष गाजामा हमास लडाकुले ५० दिनसम्म बन्दी बनाएको थियो ।
सो समयमा एक हमास लडाकुले उनीसँग विवाह गर्ने इच्छा व्यक्त गरेका थिए ।
नोगाले टाइम्स अफ इजरायलसँग भनिन्, ‘कैदको १४औं दिनमा ती लडाकुले मलाई औँठी दिए र सबैलाई रिहा गरिदिन्छु । तर, तिमी यहाँ मसँग बस्नुपर्छ र हाम्रो सन्तान जन्माउनु पर्नेछ भनेर प्रस्ताव राखेका थिए ।’
ती लडाकुले नोगालाई विवाहको बारेमा जवाफ मागे र हाँसे । र, टाउको हल्लाए किनकि उसलाई लाग्यो कि यदि जवाफ आएन भने गोली हानेर मारिनेछ ।
तर, नोगाले जवाफ दिइनन् । उनलाई गोली नहाने पनि हमासले बन्धक नै बनाइ राख्यो ।
अन्य लडाकुहरूले पनि हर सम्भव प्रयास गरे नोगालाई मनाउन विवाहका लागि । ती लडाकुका साथीहरूले नोगालाई धेरै माया गर्ने र विवाह गर्न उक्साउँथे । तर, नोगाले मानिनन् ।
पछि नोभेम्बर २०२३ मा ४ दिने युद्धविराममा नोगा रिहा भएकी थिइन् । नोगाले आफ्नी आमालाई हमास लडाकुको सो प्रस्तावले आफू धेरै डराएको बताइन्।
सन् २०२३ अक्टोबर ७ मा हमासले इजरायलमा प्रवेश गरी १ हजार २ सय जनालाई मारे भने २ सय ३४ जनालाई बन्धक बनाएका थिए । युद्ध अहिले पनि जारी छ ।
© 2025 All right reserved to khabarcnter.com | Site By : Sobij
