२०८२ भाद्र २७ गते शुक्रवार
२०८२ भाद्र २७ गते शुक्रवार
दक्षिण चीनको गुआङडोङ प्रान्तवको फोसान सहरमा सोमबार राति एउटा जहाज पुलसँच ठोक्किँदा चारजना बेपत्ता भएको सहरको आपत्कालीन व्यवस्थापन विभागले बताएको छ ।
चालक दलका ११ सदस्य सवार जहाज जिउजियाङ पुलको घाटमा ठोक्किएर पछि डुबेको थियो । विभागका अनुसार तीमध्ये सात जनाको उद्धार गरिएको छ र चारजना बेपत्ता छन् ।
स्थानीय समयअनुसार मङ्गलबार बिहान छ बजेसम्म बेपत्ताको खोजीका लागि तीन सयभन्दा धेरै प्रहरी अधिकारी र सामुद्रिक उद्धार टोली पठाइएको छ । दुर्घटनाको कारणबारे अनुसन्धान भइरहेको छ ।
विशेषज्ञले तुरुन्तै पुलको प्रारम्भिक मूल्याङ्कन गरेर मुख्य संरचनामा कुनै स्पष्ट क्षति नभेटिएको जनाएका छन् । नजिकैको जल क्षेत्रमा ट्राफिक नियन्त्रण लागू गरिएको छ ।
© 2025 All right reserved to khabarcnter.com | Site By : Sobij
